Бұқаралық ақпарат құралдарының қоғамның, жұртшылықтың алдындағы міндеттемесі зор. БАҚ-ты төртінші билік тармағы деп жай атамайды. Сондықтан суицид туралы ақпаратты берген кезде БАҚ-тың оны қалай ұсынғаны, оның тәуекелдері, салдары қандай болуы мүмкін екендігін жан-жақты саралануы тиіс. Бұл туралы Орталық коммуникациялар қызметі алаңында БАҚ-тың өзіне өзі қол жұмсау фактілерін жауапты жариялауына арналған панельдік пікірталас барысында Еуропалық Одақтың Қазақстандағы Елшісінің орынбасары Мачей Адам Мадалинский мәлімдеді.