Қазақстан Қарулы Күштерінің 30 жылдығына және Ұлы Отан соғысындағы Жеңістің 77 жылдығына арналған іс-шаралар ағымдағы жылдың сәуір-мамыр айларында ғана өткізілмейді. Әскерде жыл басынан бері мерекелерге арналған дәрістер, диспуттар, кездесулер, семинарлар мен конференциялар ұйымдастырылады. Бұл туралы Орталық коммуникациялар қызметінде өткен брифингте ҚР Қарулы Күштері Бас штабы бастығының орынбасары – ҚР Қарулы Күштері Бас штабы Тәрбие және идеологиялық жұмыс департаментінің бастығы генерал-майор Серік Бурамбаев хабарлады.