Президент құрған, заңгерлер мен ғалымдардан тұратын жұмыс тобы Конституцияға түзетулер жобасын ұсынды. Конституцияның 91-бабына сәйкес түзетулер жобасын Конституциялық Кеңес қарастырып, биыл 4 мамырда түзетулер бойынша оң қорытынды берді. ҚР Әділет вице-министрі Алма Мұқанованың айтуынша, Конституцияның 91-бабына сәйкес Конституцияға түзетулерді қабылдаудың 2 жолы бар: республикалық референдум арқылы немесе Парламент арқылы.