Сынықтар мен қалдықтарды шығаруға шектеу енгізудің басты негізі – ішкі қайта өңдеушілер үшін қайталама шикізаттың толық жүктелмеуі және жетіспеуі болып табылады. Қазақстандық қайта өңдеушілер үшін ішкі сынық айналымы да жеткіліксіз, олар көрші мемлекеттерден импорттауға мәжбүр. Мысалы, «Қайнар-АКБ» ЖШС қазақстандық және импорттық шикізат есебінен қорғасын аккумуляторлар өндіреді. Компания өз өнімдерімен ішкі нарықты 80% қамтамасыз етеді және жыл сайын 50-60 млн доллар сомасына экспорттайды. Бұл туралы Орталық коммуникациялар қызметі алаңында өткен брифинг барысында ҚР ИИДМ Индустриялық даму комитеті төрағасының орынбасары Тұрар Жолмағамбет хабарлады.