Сыбайлас жемқорлықтың алдын алуда қоғамның осы жұмысқа тартылуы маңызды рөл атқарады. Бұл тәсіл қоғамдық бақылауды іске асыру тетіктерін кеңейтуді көздейді, ол қоғамдық кеңестердің қызметімен ғана шектелмеуге тиіс. Қоғамның сатып алуды бақылау және белгілі бір бұзушылықтар туралы сигнал беру мүмкіндігі болуы керек. Бұл үшін не қажет, – деді Орталық коммуникациялар қызметі алаңында ҚР Сыбайлас жемқорлыққа қарсы іс-қимыл агенттігі төрағасының орынбасары Ұлан Сарқұлов.