«Халыққа қажетті реформаларды жүзеге асыру – менің Мемлекет басшысы ретіндегі басты міндетім. Саяси трансформация адал және әділ «ойын ережелерін» қалыптастыруға, өмірдің барлық салаларында фаворитизм мен монополияларды жоюға бағытталған». Бұл Мемлекет басшысының Жолдауынан алынған үзінді. Осы нұсқаулар республикалық референдумға шығарылған Конституциялық түзетулерде де көрсетілген. Бұл туралы Орталық коммуникациялар қызметінде Жоғарғы Сот жанындағы Сот төрелігі академиясының ректоры, ҚР Конституциясына өзгерістер мен толықтырулар енгізу туралы ұсыныстарды дайындау жөніндегі жұмыс тобының мүшесі Зәуреш Баймолдина мәлім етті.