Мемлекет басшысының тапсырмасы бойынша Энергетика министрлігімен және шетелдік инвесторлар кеңесінің мүшелерімен бірлесіп мұнай-газ саласындағы инвестициялық ахуалды жақсарту мәселелері пысықталуда. ЭГТРМ Геология комитетінің төрағасы Талғат Сатиевтің айтуынша, аз зерттелген шөгінді бассейндерге инвесторларды тарту мақсатында «Жер қойнауы және жер қойнауын пайдалану туралы» кодекске түзетулер енгізу ұсынылуда. Олар жер қойнауын пайдаланушының жер қойнауын геологиялық зерттеу кезеңінен жақсартылған модельдік келісімшарт шеңберінде барлау және өндіру кезеңіне кепілді өту мүмкіндігін алуға айрықша құқығын көздейді.