Барлық учаскелерде сайлау комиссиялары толығымен дайын болды, алғашқы дауыс берушілерді күтті. Кейбірінде учаскелер ашылмай жатып, күтіп тұрған адамдар кезегі болды. РФ Федералдық Жиналысы Федерация Кеңесінің Конституциялық заңнама және мемлекеттік құрылыс жөніндегі комитетінің мүшесі, ТМД ПАА мүшесі Олег Цепкин өзінің және миссиядағы әріптестерінің пікірлерімен бөлісті. Бұл туралы Орталық коммуникациялар қызметінде өткен көшпелі брифингте айтты. Ол бүгін бақылаушылар барған барлық учаскелерде сайлау комиссиялары мүшелерінің ұйымдастырылуын, рәсімін, жарақтандырылуын, біліктіліктерін қарап, ескертулер болмағанын атап өтті.