Тұрғын үй саласындағы реформа 2020 жылы басталғанда біраз қиындық болды. Көппәтерлі тұрғын үй нысандарын басқарудың ескі нысандарынан жаңасына көшкен кезде қажетті техникалық құжаттарды бұрынғы басқарушы компаниялар, басқарушы органдар беруден бас тартты. Бұл жаңа құрылған мүлік иелері бірлестіктерін сотқа жүгінуге итермеледі. Бұл жауапкершіліктің болмауынан орын алған мәселе. Орталық коммункиациялар қызмметі алаңында өткен дөңгелек үстел отырысы барысында «Тұрғын үй-коммуналдық шаруашылығын жаңғырту мен дамытудың қазақстандық орталығы» акционерлік қоғамы төрағасының орынбасары Марғұлан Әбдікәрімов осындай пікірін жеткізді.