Су мәселесі елімізде өте өзекті. Мемлекет басшысы су ресурстарын қорғауға және тиімді пайдалануға көп көңіл бөлуде. Бұл ретте су нысандарының экожүйесін сақтап, оны үнемді пайдалану үшін аса маңызды 120 каналды қайта жаңғыртуға және жаңадан 9 су қоймасын салу бойынша тапсырма берілді. Бұл туралы Орталық коммуникациялар қызметі алаңында ҚР Экология, геология және табиғи ресурстар министрлігі Су ресурстар комитетінің төраға орынбасары Досбол Бекмағамбетов мәлімдеді.