Мүліктік құқықтарды ұжымдық негізде басқаратын ұйымдар (ұжымдық ұйымдар) қызметінің ашықтығы мен тиімділігін арттыру бойынша түзетулер. Тәжірибені талдау, авторлар мен құқық иеленушілердің шағымдары ұйымдардың міндеттерін нақтылауды қажет етті. Орталық коммуникациялар қызметі алаңында әділет вице-министрі Ақерке Ахметова мәлім еткендей, түзетулер 9 мыңға жуық қазақстандық автор мен құқық иеленушілердің тиесілі сыйақы алуға деген үміттерін көрсетеді және ұжымдық ұйымдардмен олардың құқықтарын бұзуын болдырмауға бағытталған.