Мемлекет басшысы атап өткен еліміздегі су қауіпсіздігі де өзекті мәселелердің бірі. Бүгінде су саласында білікті маман тапшылығы бар. Осы саладағы білікті мамандар және ғылыми-зерттеу кадрларын даярлау - Ғылым және жоғары білім министрлігінің жауапкершілігі. Қазіргі таңда 16 ЖОО-да «Су ресурстары және суды пайдалану», «Гидрогеология», «Су шаруашылығы» бағыттары бойынша кадрлар даярлау жүргізілуде. Негізгі жоғары оқу орны ретінде Тараздағы өңірлік университет айқындалды. Бұл туралы ОКҚ брифингі барысында ведомство басшысы Саясат Нұрбек хабарлады.