Мемлекет басшысы өз Жолдауында агроөнеркәсіптік кешенді дамыту бойынша бірқатар міндеттер қойды. Атап айтқанда, агроөнеркәсіптік кешенді субсидиялаудың ұзақ мерзімді жаңа тәсілдемелерін әзірлеу; Жамбыл облысы ауыл халқының табысын арттыру жөніндегі пилоттық жобаны кеңінен тарату; Кәсіпкерлерге жерді жедел әрі ашық бөлудің тиімді тәсілдемелерін тұжырымдау; 2023 жылдың соңына дейін пайдаланылмайтын немесе жер заңнамасын бұза отырып берілген жерлер бойынша шешімдер қабылдау. Бұл туралы Орталық коммуникациялар қызметі алаңында ҚР Ауыл шаруашылығы министрі Ербол Қарашөкеев айтып берді.