Ішкі еңбек нарығын қорғау мақсатында ҚР ЕХӘҚМ жыл сайын республикаға шетел мамандарын тартуға квота белгілейді және оны бөледі. Былтырғы жылға қарағанда бұл көрсеткіш 7 мыңға азайды. Қазіргі уақытта 21 мың квота бекітілсе, нақты 14 900 адам шетелден келіп рұқсат алып жұмыс істеп жатыр. Олар жұмыстарын одан әрі атқарып, мерзімі біткен кезде елден шығару мәселесі қаралатын болады. Бұл туралы Орталық коммуникациялар қызметі алаңында өткен брифингте ҚР ЕХӘҚМ Көші-қон комитеті төрағасының міндетін атқарушы Ілияс Испанов хабарлады.