Вакцинация әлемде инфекциялармен күресудің ең тиімді, үнемді және қол жетімді құралы болып танылды. Қазақстанда жыл сайын 5 млн-ға жуық адам, оның ішінде 1,3 млн бала егіледі. Бұл бағдарламаға мемлекет 30 млрд теңге көлемінде қаржы бөледі. Ұлттық егу күнтізбесіне сәйкес халықты вакцинациялау 20 жұқпалы ауруға қарсы тегін жүргізіледі. Бұл туралы ОКҚ алаңында өткен брифингте ҚР Денсаулық сақтау вице-министрі Вячеслав Дудник айтты.