Балалар инфрақұрылымын жақсарту, аула алаңдарын дамыту және жаңа заманауи нысандар салу, олардың әл-ауқатын арттыру бағытында елімізде 1 691 нысан ашылды. Оның ішінде 38,9 мың орынға 458 мектепке дейінгі ұйым ашылса, жыл басынан бері 153 мың оқушы орнына арналған 254 жаңа мектеп пайдалануға берілді. Орталық коммуникациялар қызметі алаңында ҚР Оқу-ағарту вице-министрі Ғани Бейсембаев осындай мәліметтерді келтірді.