Мерзімді әскери қызметін өткерген сарбаздардың жеңілдікпен білім алу шарттарын Қорғаныс министрлігі 2022 жылы әзірледі. Биыл мамыр айында әскери кеңесте Мемлекет басшысы бұл бастаманы мақұлдап, тиімді іске асыру үшін тиісті тапсырмалар берді. Бұл туралы ОКҚ алаңында өткен баспасөз конференциясында ҚР ҚМ аппарат басшысы, полковник Ербол Құмарбекұлы хабарлады. Оның айтуынша, еліміздің 70-тен астам жоғары оқу орнымен шарттар жасалған.