Жіті респираторлық вирустық инфекциялар мен тұмаудың кезекті маусымы басталды. Қазақстанда жыл сайын тұмау вирусы қараша айынан басталып сәуір айының ортасына дейін жалғасады. Ағымдағы жылдың қазан айында республикада ЖРВИ-дің 638 208 жағдайы тіркелген, ауырған адамдардың 66%-ын 14 жасқа дейінгі балалар құрайды. Өткен жылдың осындай кезеңімен салыстырғанда сырқаттанушылық 27%-ға төмен. Бұл туралы Орталық коммуникациялар қызметіндегі баспасөз конференциясы барысында ҚР Денсаулық сақтау вице-министрі Айжан Есмағамбетова мәлім етті.