Өткен қыста еліміздің жылу электр станцияларында бірқатар апаттар орын алды. Бұл жайттар халықтың тұрмыс сапасына тікелей әсер ететіні сөзсіз. Сол себепті Батыс Қазақстан облысында жылу-энергетика саласында бірқатар жұмыстар атқарылуда. Бұл туралы Орталық коммуникациялар қызметінің алаңындағы баспасөз конференциясында аймақтың әлеуметтік-экономикалық дамуы туралы баяндау барысында өңір басшысы Нариман Төреғалиев мәлім етті.