Шығыс Қазақстан облысындағы туристер үшін тартымды орындардың көбі тау етектерінде немесе тау арасында орналасқан. Бүгінде аймақ әкімдігі сол жерлерге жол тарту мәселесін пысықтап жатыр. Орталық коммуникациялар қызметінің алаңында өңірдің әлеуметтік-экономикалық дамуы туралы баяндама жасаған аймақ басшысы Ермек Көшербаев облыста туризмді дамыту бағытында атқарылып жатқан жұмыстарға жеке тоқталды.