«Қазақстан халқына» қоры балалар мен жастарды оңалтудың техникалық құралдарымен қамтамасыз етеді. Мәселен, Қор 29 жасқа дейінгі мүмкіндігі шектеулі жандар мен жастарды инновациялық протездік-ортопедиялық бұйымдармен қамтамасыз ету жөніндегі жобаларды қаржыландырмақ. Қазіргі уақытта 1,073 млрд теңге сомасына 128 адам (29 бала) бионикалық және модульдік протездермен қамтамасыз етілді. Бұл туралы Орталық коммуникациялар қызметіндегі дөңгелек үстел барысында «Қазақстан халқына» ҚҚ басшысы Болат Жәмішев мәлімдеді.