Биыл «Айбын» әскери-патриоттық жиыны 16-22 маусым аралығында Алматы қаласындағы Құрлық әскерлері Әскери институтының Оқу орталығында өтеді. Бұл мереке батыр Сағадат Нұрмағамбетовтың 100 жылдығына арналып ұйымдастырылмақ. Халықаралық шараға 5 елдің ұжымы қатысады. ҚР ҚМ Тәрбие және идеологиялық жұмыстар департаментінің бастығы, әділет полковнигі Тілеухан Басқожаев ОКҚ алаңында жиынға дайындық барысымен таныстырды.