2023 жылы ЕАЭО-да тасымалдарды қадағалау үшін навигациялық пломбаларды қолдану жөніндегі келісім күшіне енді. Бұл тауарларды ЕАЭО-ға мүше екі және одан да көп мемлекеттің аумағында өткізу кезінде оларды қадағалауға мүмкіндік береді. ЕЭК алаңында келісімді іске асыру үшін нормативтік құқықтық актілерді әзірлеу бойынша жұмыс жүргізілді. Еуразиялық экономикалық комиссия кеңесі мен алқасының өзара іс-қимыл регламенттерін, навигациялық пломбаларды салу/алу, іске қосу/сөндіру жөніндегі операцияларды жасау тәртібін, навигациялық пломбаларға қойылатын техникалық талаптарды бекітуді көздейтін бірқатар шешімі бекітілді.