Мемлекеттік сатып алу саласында отандық тауар өндірушілерді қолдау шаралары қолданылып жатыр. Биыл 4,5 мың тауарлық позиция бойынша 7 Үкімет қаулысы қабылданды. Енді бұл тауарлар сатып алуға міндетті болып табылады. Отандық шағын және орта бизнес субъектілерінен сатып алынатын қызметтер тізбесі бекітілді. Заңға сай офтейк келісім-шарттар енгізілді. Яғни, елімізде шығарылатын тауарлардың жеткізушілері мен мемлекеттік органдар тікелей шарт жасаса алады. Бұл туралы ҚР Қаржы вице-министрі Дәурен Кеңбеил ОКҚ брифингінде хабарлады.