Су тасқынына жедел ден қою үшін 37 мыңнан астам адамнан тұратын күштер мен құралдар тобы құрылды, олардың құрамына ТЖМ, ІІМ, Ұлттық ұлан, жергілікті атқарушы органдар кірді. Сонымен қатар 12 мыңнан астам техника, 4 096 су айдау және 640 жүзу құралы жұмылдырылды. Бұл туралы ОКҚ алаңында өткен баспасөз мәслихатында ҚР ТЖМ ТЖ алдын алу комитеті төрағасының м. а. Әсет Жылқайдаров мәлімдеді.