Биылғы жол-құрылыс маусымында 9500 шақырым республикалық маңызы бар автожолда түрлі жөндеу жұмыстары жүргізілді. Яғни қайта жаңарту және құрылыс жобаларымен 2900 шақырым; күрделі жөндеумен 460 шақырым; орташа жөндеумен 5100 шақырым жол қамтылды. 2025 жылы жол-құрылыс маусымында 10 мың бірлік арнайы техника, 25 мың маман жұмылдырылып, 12 млн тонна қиыршық тас пен 544 мың тонна битум пайдаланылды. Бұл туралы «ҚазАвтоЖол» ҰК» АҚ басқарма төрағасы Дархан Иманашев ОКҚ алаңында өткен баспасөз конференциясында хабарлады.