Халықаралық ұйымдардың мәліметтері бойынша, қазір еуропалық аймақта аурудың маусымдық өсуі байқалады. Бірақ Испания мен Ұлыбритания сияқты бірқатар ел тұмаумен ауыратындардың көбейгенін атап өтті. Еуропалық аймақта H3N2 тұмау вирусы басым және H1N1 вирусының айналымы байқалады. Бұл туралы ҚР ДСМ Ұлттық Қоғамдық денсаулық сақтау орталығы басқарма төрағасының орынбасары Манар Смағұл ОКҚ алаңында өткен баспасөз мәслихатында мәлімдеді.