Мемлекет басшысының жаңа инвестициялық циклды қайта қарап, оны іске қосу жөнінде нақты міндеті аясында Ақмола облысында айтарлықтай жұмыс жүргізілді. Мәселен, биыл өңір экономикасына құйылған инвестиция көлемі 660 млрд теңгеден асты. Өткен жылмен салыстырғанда бұл сома 250 млрд теңгеге артық. Жаңа инвестициялық жобалар жайында Ақмола облысының әкімі Марат Ахметжанов ОКҚ алаңында өткен баспасөз конференциясында айтты.