Ақмола өңірінде су тасқынына қарсы қауіпсіздік басым бағыт болып саналады. Аймақта 494 көл мен 111 өзен бар. Осы жылы әкімдік су тасқынымен күресуден олардың себептерін жоюға көшті. Биыл тұрғындар мен инфрақұрылымды қорғауға бағытталған ауқымды жұмыс атқарылды Қалқұтан, Нұра, Шағалалы, Жабай өзендерін тазалау және түбін тереңдету жұмыстары жүргізілді. Облыста өзендерді тазалау және түзету бойынша атқарылған жұмыстың жалпы ұзындығы 44 шақырымды құрады. 18 қауіпті, әрі маңызды гидротехникалық құрылыстарды нығайту және қалпына келтіру жұмыстары аяқталды. Бұл көктемгі кезеңде 80 млн текше метр еріген суды қауіпсіз реттеуге мүмкіндік береді. Ақмола облысының әкімі Марат Ахметжанов ОКҚ алаңында өткен баспасөз мәслихатында осылай деді.
Ақмола өңіріндегі бірқатар өзен тазартылып, түбі тереңдетілді
Тегтер:
сот төрелігі