Былтыр Жезқазған қаласында жұмыртқа бағытындағы құс фабрикасы және Жаңаарқа ауданында мал шаруашылығы кешені мен мал сою цехы іске қосылған. Ал, биыл жалпы құны 17 млрд теңге болатын 10 жоба іске асуда. Оның ішіндегі құны 8,5 млрд теңгені құрайтын 7 жоба ағымдағы жылы іске қосылады. Бұл туралы ОКҚ алаңында өткен баспасөз конференциясында Ұлытау облысының әкімі Дастан Рыспеков хабарлады.