Маңғыстау өңіріне келетін туристер саны жыл сайын артып келеді. 2025 жылдың 9 айында 350 мыңнан астам турист келіп, 17,2 млрд теңгеге жуық қызмет көрсетілді. Ақтау әуежайы жолаушылар ағыны бойынша 4-орында тұр. Соңғы бес жылда әуежайдағы жолаушылар ағыны 70%-ға артып, 996 мыңнан 1,7 млн адамға өсті. Бұл жайлы облыс әкімі Нұрдәулет Қилыбай ОКҚ алаңында өткен баспасөз конференциясында айтты.