Маңғыстау облысында төтенше жағдайлар және қорғаныс саласы қызметкерлеріне қолайлы жағдай жасау үшін мекемелерге арнайы техникалар сатып алынды. Үш ауылда заманауи техникалармен қамтылған 3 жаңа өрт сөндіру орталығы ашылды. 7 ауылда өрт сөндірушілерге арналған модульдік ангар пайдалануға берілді. Бұл жайлы өңір әкімі Нұрдәулет Қилыбай ОКҚ алаңында айтты.