Бүгінде БҰҰ жүйесінде Қазақстаннан 71 волонтер қызмет етеді, оның ішінде 42 әйел және ҚР Ақпарат және қоғамдық даму министрлігі мен БҰҰЕ арасындағы әріптестік туралы Келісім шеңберінде БҰҰ-ның түрлі агенттіктеріне жіберілген 7 волонтер. Бұл туралы Орталық коммуникациялар қызметі алаңында өткен брифингте Азаматтық қоғам істері комитетінің төрағасы Мадияр Қожахмет мәлімдеді. Оның айтуынша, Қазақстан мен Ресейдің волонтерлік ұйымдары көшбасшыларының қатысуымен волонтерлік кеңес жұмыс істейді.