2020 жылғы 1 қыркүйекте Мемлекет басшысы Қасым-Жомарт Тоқаев Мемлекеттік жоспарлау жүйесін қайта қарауды тапсырды. Оның аясында қабылданған өзгерістер мен жаңа құжаттар бүгін Орталық коммуникациялар қызметінде өткен брифингте таныстырылды. ҚР Стратегиялық жоспарлау және реформалар жөніндегі агенттігінің төрағасы Қайрат Келімбетовтің айтуынша, мемлекеттік басқарудың жаңа формациясындағы басты қағидат «азаматтарға бағдарланған» қағидаты болып табылады. Бұл түбегейлі өзгертуді қажет етеді.