Қазақстан Республикасының 2025 жылға дейінгі Жалпыұлттық басымдықтары аясында жақын болашақта реформаларды күтетін 10 бағыт таңдалды. Жолдауда Президент ауқымды бағдарламалардан неғұрлым түсінікті, қысқа құжаттарға көшу керек екенін, онда қанша қаражат бөлінетіні, жауапты кім және қандай да бір мақсатқа қол жеткізу перспективасы айқын болады деп атап өтті. Осы өзгерістер аясында көптеген құжаттар қысқартылды. Бүгінде біз мемлекеттік органдар жаңа жүйеге көшетін жолға түстік. Бұл туралы Орталық коммуникациялар қызметінде өткен брифингте жалпыұлттық басымдықтардың жаңа стратегиясын таныстыру барысында ҚР Стратегиялық жоспарлау және реформалар агенттігінің төрағасы Қайрат Келімбетов мәлімдеді. Оның айтуынша, көшу жыл соңына дейін жалғасады. Жаңа бюджеттік бағдарламаларға көшу 1 қыркүйекке қарай аяқталады. Оған дейін Үкімет үш жылдық бюджет аясында мақұлданған ұлттық жобалардың тізбесін енгізеді деп жоспарланған.