«Екі ұйым бойынша қылмыстық іс қозғалды. Тергеу шаралары жалғасуда. Әлі аяқталған жоқ. Тиісінше, тергеу іс-шаралары мен сот істерінің шешімі бойынша шешім шығарылатын болады. Қазіргі уақытта аталған медицина қызметкерлері вакцинацияға байланысты іс-шаралардан шеттетілді. Олар жай қабылдауда отыр, медициналық көмек көрсетеді. Тергеу шаралары мен сот ұсыныстары бойынша шешім қабылданады», - деп жауап берді спикер.
Оның айтуынша, мониторинг жүргізілді, бірақ облыстық денсаулық сақтау басқармасы тергеу шараларын жүргізуге құзыретті емес.
«Кейде адамдардың өздері паспорттың жалған екенін мойындайды. Мұндай жағдай ауруханалардың бірінде болды, реанимацияда жатқан науқас паспорттың жалған екенін айтты. Мұндай фактілер бар. Кеше біз жаңа нұсқаулық алдық, енді ниет білдіргендердің өтінішімен, егер вакцинация паспорты жалған болса, ол өтініш жаза алады. Бұл паспорт өшіріліп, олар вакцинаның екі компонентімен егіле алады», - деді денсаулық сақтау қызметкері.
