Темекі шегумен күрес жөніндегі ерікті шаралар тиімсіз, сол себепті тиісті заңнамалық немесе әкімшілік шаралар қабылдау қажет. Темекі шегуге жартылай салынған тыйым темекі тартпайтын адамдарды зиянды түтіннен қорғай алмайды. Дүниежүзілік денсаулық сақтау ұйымының Қазақстандағы кеңсесінің басшысы Скендер Сыла осындай пікірде. ОКҚ алаңындағы сараптамалық дөңгелек үстел отырысында сөз сөйлеген ол австралиялық зерттеушілердің қорытындыларын мысалға келтірді. Соңғылары жаза неғұрлым қатаң болса, заңды ұстану көрсеткіші де соғұрлым жоғары екенін дәлелдеген.