Digital Bridge 2023 форумы барысында 30-ға жуық түрлі келісімге қол жеткізілді. Бұл туралы ОКҚ баспасөз конференциясында ҚР Цифрлық даму, инновациялар және аэроғарыш өнеркәсібі министрлігінің Ақпараттық технологиялар саласын дамыту департаментінің директоры Ерсұлтан Ерманов хабарлады. Мемлекеттік органдардың, ірі компаниялардың, халықаралық технопарктердің және басқа да ұйымдардың өкілдері IT-инновацияларды дамытуға бағытталған құжаттарға қол қойды.