«Даму» кәсіпкерлікті дамыту қоры бірқатар мемлекеттік және жеке бағдарламаларды іске асырады. Қордың бағдарламалары екінші деңгейлі банктерге, лизингтік компанияларға, микроқаржы ұйымдарына жүгінетін кәсіпкерлер үшін қаржыландыруды арзандатуға бағытталған. Бұл туралы Орталық коммуникациялар қызметінің алаңында «Кәсіпкерлікті дамыту: мемлекеттік қолдау шаралары» деген тақырыптағы дөңгелек үстел барысында «Даму» Кәсіпкерлікті дамыту қоры» АҚ Астана қаласы бойынша өңірлік филиалының директоры Светлана Назарюк мәлім етті.