Қазақстанды Орталық Азияның жетекші цифрлық орталығы ретінде бекіту мақсатында Мемлекет басшысы 2026 жылға қарай экспорт көлемін 1 млрд долларға дейін ұлғайту, сондай-ақ 100 мың білікті IT маман даярлау, ел өңірлерінде «Astana Hub» тәжірибесін кеңейту міндетін алға қойды. 2023 жылы Цифрлық даму, инновациялар және аэроғарыш өнеркәсібі министрлігінің қолдауымен ІТ қызметтерінің экспорты өткен жылмен салыстырғанда 84%-ға артып, 85 елді қамтыды. Мұндай деректерді Орталық коммуникациялар қызметінің алаңында «Astana Hub» басқарушы директоры Дания Ахметова айтты.