Қазіргі таңда төтенше жағдай орын алған өңірлерде орналасқан жоғары оқу орындарын су алмаған. Залал келу мен қирау қаупі жоқ. Министрлік тарапынан барлық оқу орнынан студенттерді қауіпті аймақтарға жібермеу туралы тапсырма берілді. Ведомство және тиісті өңірлердің жоғары оқу орындары төтенше жағдай режимінде жұмыс жасауда. Министрлік су тасқыны жүріп жатқан өңірлердегі университеттердің күнделікті мониторингін жүргізіп жатыр. ҚР ғылым және жоғары білім вице-министрі Талғат Ешенқұлов ОКҚ алаңында өткен брифингте осылай деді.