Мемлекеттік қызметке іріктеудің ашықтығын қамтамасыз ету мақсатында мемлекеттік қызметті цифрландыру жұмыстары жалғасуда. ҚР Мемлекеттік қызмет істері агенттігі жаңа іріктеу қағидаларын әзірлеп, «e-Qyzmet.gov.kz» сыртқы интернет порталын іске қосты. 2023 жылы 1 наурызда оған 6 мемлекеттік орган пилоттық негізде қосылды. Қазір 22 мемлекеттік орган қосылды. Осы жылдың 1 шілдесінен бастап тағы 22 мемлекеттік орган бұл тізімге қосылатын болады. Бұл туралы ҚР Мемлекеттік қызмет істері агенттігі төрағасының орынбасары Азамат Жолманов ОКҚ алаңында хабарлады.