Халықтың әлеуметтік осал топтарының құқықтары жөніндегі уәкілдің міндеті Еңбек және халықты әлеуметтік қорғау министрлігінің қызметін қадағалау, оған қолдау көрсету және мүгедектігі бар азаматтардың бұзылған құқықтарын қалпына келтіріп, оларға жәрдем беру болып табылады. Осыған байланысты уәкілдің жобалық офисі біраз жұмыс атқарды. Бірақ әлі де шешімін таппаған мәселе көп. Бұл туралы ҚР Президенті жанындағы Халықтың әлеуметтік осал топтарының құқықтары жөніндегі уәкіл, ҚР Парламенті Мәжілісінің депутаты Кенжеғұл Сейтжан ОКҚ брифингінде хабарлады.