Әділет органдары зияткерлік меншік саласындағы құқық бұзушылықтардың жолын кесу бойынша тұрақты негізде жұмыс атқарып жатыр. Тексерістер құқық иеленушілердің өтініштері негізінде жүргізіледі. Мәселен, Әділет вице-министрі Ботагөз Жақселекованың мәліметінше, ағымдағы жылдың басынан бері 138 тексеру жүргізіліп, бұзушылықтар анықталды, 133 іс сотқа берілді, 111 субъект әкімшілік жауапкершілікке тартылды. Мемлекет кірісіне айыппұл түрінде шамамен 10 млн теңге өндірілді. Азаматтық айналымнан 250 мыңнан астам контрафактілік өнім шығарылды.