Абай атындағы ҚазҰПУ-нің жанында 5 жатақхана бар. Мұнда 2 мыңнан астам орын қарастырылған. Былтырдан бері университет кәсіпкерлік сектормен жұмыс істеп, студенттерді жеке меншік жатақханаларға орналастыра бастады. Нәтижесінде 3308 білім алушы жатын орынмен қамтылды. Биыл 8 жеке меншік жатақханамен келісімшарт жасалып, 4126 студентке жатақханада орын дайындалды. Бұл туралы Абай атындағы ҚазҰПУ-нің Әлеуметтік даму жөніндегі проректоры Мақсат Жақауов ОКҚ брифингінде хабарлады.