Эмиссиялар мониторингінің автоматтандырылған жүйесі оны орнатуға міндетті 91 кәсіпорынның 62-нде ғана бар. Оның ішінде, 34 кәсіпорын қоршаған орта мен табиғи ресурстардың жай-күйі туралы Ұлттық деректер банкіне қосылған, 28-і - қосылу сатысында, 12-сі - МАЖ орнату бойынша жұмыс жүргізіп жатыр және 2024 жылдың соңына дейін аяқтауды жоспарлап отыр. 17-сі 2026-2029 жылдары енгізіледі. Мұндай деректерді ОКҚ алаңында ҚР ЭТРМ қазіргі заманғы эмиссиялар мониторингі жүйесі бойынша Экологиялық реттеу және бақылау комитетінің төрағасы Ерболат Қожықов айтты.