Ақтөбе облысының әкімі Асхат Шахаров ОКҚ алаңында өткен брифинг барысында өңірдің инфрақұрылымын дамыту тақырыбына тоқталып өтті. Мәселен, ағымдағы жылдың қорытындысы бойынша нормативтік жағдайдағы жергілікті маңызы бар автожолдардың үлесі 78%-ға жетті. Жергілікті маңызы бар жолдардың сапасын арттыруға биыл 64,5 млрд теңгеге 193 жобаны іске асыру көзделді. Жалпы, өңірде 500 шақырымнан астам жол жабындысы төселді. Облыс орталығы Ақтөбе қаласы назардан тыс қалмады. 200-ден астам көше немесе 47 шақырым жол нормативтік жағдайға келтіріліп жатыр.