Қазақстандық ауылдарда фельдшерлік, акушерлік, медициналық пунктер мен дәрігерлік амбулаториялар құрылысы жалғасуда. Бұл жұмыс «Ауылда денсаулық сақтауды жаңғырту» ұлттық жобасын іске асыру шеңберінде жүргізіліп жатыр. Осылайша, 655 медициналық нысан салу жоспарда бар. Бұл туралы ОКҚ алаңында өткен баспасөз мәслихатында ҚР денсаулық сақтау вице-министрі Тимур Мұратов мәлімдеді.