Әскери мамандарды дайындаудағы маңызды бағыт – техникалық және кәсіптік білім беру. Бұл жұмыс ҚМ әскери колледждерінде жүзеге асырылады. Сержанттық лауазымдарды техникалық және кәсіптік білімі бар кәсіби әскери қызметшілермен жасақтау қажеттілігіне байланысты 2020 жылдан бастап 4 республикалық «Жас ұлан» мектебі кезең-кезеңімен әскери колледждер болып қайта құрылды. Бұл туралы ҚР Қорғаныс министрлігі Әскери білім және ғылым департаментінің бастығы полковник Мұрат Олжабаевтың ОКҚ алаңында өткен баспасөз конференциясында хабарлады.