Білім мен адами капиталды дамыту – экономикалық өсудің негізгі тірегі. Түркістан аймағында бұл бағыт бойынша нақты шаралар қабылданып жатыр. Білім беру жүйесінде мектеп тапшылығын шешу мақсатында өңірде «Келешек мектептері» жобасы іске асырылуда. Жоба аясында 23 мың орындық 29 мектеп құрылысы жоспарланған. Оның ішінде, 28 мектеп пайдалануға берілді. Қалған 1 мектептің құрылысы аяқталуға жақын. Жергілікті бюджеттен 17 мектеп салынуда. Биыл 4 мектеп пайдалануға беріледі, қалғаны келесі жылға өтпелі. Бұл туралы өңір әкімі Нұралхан Көшеров ОКҚ алаңында өткен баспасөз конференциясында хабарлады.